ಇಸ್ರೇಲ್ ಟ್ರಾವೆಲ್ ಇನ್ಶೂರೆನ್ಸ್

ಸರಿಯಾದ ಟ್ರಾವೆಲ್ ಕವರ್‌ನೊಂದಿಗೆ ನಿಮ್ಮ ಇಸ್ರೇಲ್‌ ಪ್ರಯಾಣವನ್ನು ಸುರಕ್ಷಿತಗೊಳಿಸಿ

ಪೂರ್ವ ಮೆಡಿಟರೇನಿಯನ್ ಸಮುದ್ರದ ದಂಡೆಯ ಮೇಲಿರುವ ಈ ಪವಿತ್ರ ಭೂಮಿಯು ಜೋರ್ಡಾನ್ ನದಿ, ಡೆಡ್ ಸೀ ಮತ್ತು ವೆಸ್ಟ್ ಬ್ಯಾಂಕ್‌ಗಳೊಂದಿಗೆ ತನ್ನ ಗಡಿಯನ್ನು ಹಂಚಿಕೊಂಡಿದೆ. ಯಹೂದಿ, ಕ್ರೈಸ್ತ ಮತ್ತು ಇಸ್ಲಾಂ ಎಂಬ ಮೂರು ಪ್ರಮುಖ ಧರ್ಮಗಳು ಇಸ್ರೇಲ್‌ನೊಂದಿಗೆ ಐತಿಹಾಸಿಕ ಸಂಪರ್ಕವನ್ನು ಹೊಂದಿವೆ. ಇದು ಧರ್ಮ, ಇತಿಹಾಸ ಮತ್ತು ಸಂಸ್ಕೃತಿಯ ಸಮ್ಮಿಲನವನ್ನು ಹೊಂದಿರುವ ಒಂದು ಚೈತನ್ಯಶೀಲ ದೇಶವಾಗಿದೆ. ಈ ದೈವಿಕ ದೇಶಕ್ಕೆ ಪ್ರಯಾಣಿಸುವುದು ಸುಲಭ. ಇಸ್ರೇಲ್‌ಗೆ ಪ್ರಯಾಣಿಸುವುದು ಜೀವನಪೂರ್ತಿ ನೆನಪಿನಲ್ಲಿ ಉಳಿಯುವಂತಹ ಅನುಭವವಾಗಬಹುದು. ಆದರೆ, ಕ್ಷಣಮಾತ್ರದಲ್ಲಿ ಎಲ್ಲ ಉತ್ಸಾಹವನ್ನು ಹಾಳುಮಾಡುವ ಅನಿರೀಕ್ಷಿತ ಘಟನೆ ಯಾವಾಗ ಎದುರಾಗುತ್ತದೆ ಎಂದು ಹೇಳುವುದಕ್ಕೆ ಆಗುವುದಿಲ್ಲ.

ಅದಕ್ಕಾಗಿಯೇ ಇಸ್ರೇಲ್‌ನಲ್ಲಿ ನಿಮ್ಮ ವಾಸ್ತವ್ಯದ ಸಮಯದಲ್ಲಿ ವೈದ್ಯಕೀಯ ಮತ್ತು ವೈದ್ಯಕೀಯ ಅಲ್ಲದ ತುರ್ತುಸ್ಥಿತಿಗಳನ್ನು ಕವರ್ ಮಾಡುವ ಇಸ್ರೇಲ್ ಟ್ರಾವೆಲ್ ಇನ್ಶೂರೆನ್ಸ್‌ನೊಂದಿಗೆ ಪ್ರಯಾಣಿಸುವುದು ಉತ್ತಮ. ಕೇರ್ ಹೆಲ್ತ್ ಇನ್ಶೂರೆನ್ಸ್ ಒದಗಿಸುವ ಟ್ರಾವೆಲ್ ಇನ್ಶೂರೆನ್ಸ್ ತಕ್ಷಣದ ಕ್ಯಾಶ್‌ಲೆಸ್ ಆಸ್ಪತ್ರೆ ದಾಖಲಾತಿಯಿಂದ ಹಿಡಿದು ಚೆಕ್-ಇನ್ ಬ್ಯಾಗೇಜ್ ಕಳೆದುಹೋದ ಮರುಪಾವತಿ, ಪ್ರಯಾಣ ವಿಳಂಬ/ರದ್ದತಿ, ಪಾಸ್‌ಪೋರ್ಟ್ ನಷ್ಟದ ಸಂದರ್ಭದಲ್ಲಿ ಸಹಾಯ ಮತ್ತು ಮುಂತಾದವುಗಳಿಗೆ ಸಮಗ್ರ ಕವರೇಜ್‌ನೊಂದಿಗೆ ಬರುತ್ತದೆ.

ಇಸ್ರೇಲ್‌ಗೆ ಟ್ರಾವೆಲ್ ಇನ್ಶೂರೆನ್ಸ್ ಪಡೆಯುವುದು ಕಡ್ಡಾಯವೇ?

ಯಾವುದೇ ಉದ್ದೇಶಕ್ಕಾಗಿ ಇಸ್ರೇಲ್‌ಗೆ ಹೋಗುವ ಎಲ್ಲಾ ಪ್ರವಾಸಿಗರಿಗೆ ಕೋವಿಡ್-19 ಕವರ್ ಮಾಡುವ ಷರತ್ತಿನೊಂದಿಗೆ ಟ್ರಾವೆಲ್ ಇನ್ಶೂರೆನ್ಸ್ ಕಡ್ಡಾಯವಾಗಿದೆ. ಇನ್ಶೂರೆನ್ಸ್ ಪಾಲಿಸಿಯನ್ನು ಖರೀದಿಸುವುದು ಪ್ರವೇಶದ ಅವಶ್ಯಕತೆಯನ್ನು ಪೂರೈಸುವುದು ಮಾತ್ರವಲ್ಲದೆ ನಿಮ್ಮ ರಜಾದಿನ ಅಥವಾ ಬಿಸಿನೆಸ್ ಪ್ರಯಾಣವನ್ನು ಹಾಳು ಮಾಡುವ ಅನಿರೀಕ್ಷಿತ ಘಟನೆಗಳಿಂದ ನಿಮ್ಮನ್ನು ರಕ್ಷಿಸಬಹುದು. ಪ್ರಯಾಣದ ಅಡಚಣೆಗಳು, ಆರೋಗ್ಯ ಸಮಸ್ಯೆಗಳು, ಕಳೆದುಹೋದ ವಸ್ತುಗಳು, ನೈಸರ್ಗಿಕ ವಿಕೋಪಗಳು ಮತ್ತು ಭಯೋತ್ಪಾದನೆಯು ಇಸ್ರೇಲ್‌ನಲ್ಲಿ ಯಾವುದೇ ಸಮಯದಲ್ಲಿ ನಿಮ್ಮ ಮೇಲೆ ಪರಿಣಾಮ ಬೀರಬಹುದು. ಆದ್ದರಿಂದ, ಎಲ್ಲಾ ಪ್ರಯಾಣದ ಅಪಾಯಗಳನ್ನು ಕವರ್ ಮಾಡುವ ಮತ್ತು ನೀವು ನಿಮ್ಮ ದೇಶದಿಂದ ದೂರವಿದ್ದಾಗ ನಿಮಗೆ ಭದ್ರತೆ ಮತ್ತು ಬೆಂಬಲದ ಭಾವನೆಯನ್ನು ನೀಡುವ ಇಸ್ರೇಲ್ ಟ್ರಾವೆಲ್ ಇನ್ಶೂರೆನ್ಸ್ ಅನ್ನು ನೀವು ಆಯ್ಕೆ ಮಾಡಬೇಕು.

ಎಕ್ಸ್‌ಪ್ಲೋರ್ ಏಷ್ಯಾ - ಇಸ್ರೇಲ್‌ಗಾಗಿ ಟ್ರಾವೆಲ್ ಇನ್ಶೂರೆನ್ಸ್

ಕೇರ್ ಹೆಲ್ತ್ ಇನ್ಶೂರೆನ್ಸ್ ಇಸ್ರೇಲ್‌ಗೆ ಎಕ್ಸ್‌ಪ್ಲೋರ್ ಏಷ್ಯಾ ಅಡಿಯಲ್ಲಿ ಸಮಗ್ರ ಟ್ರಾವೆಲ್ ಕವರ್ ಅನ್ನು ಒದಗಿಸುತ್ತದೆ- ಇದು ರಜಾದಿನ ಅಥವಾ ಬಿಸಿನೆಸ್‌ಗಾಗಿ ಪ್ರಯಾಣಿಸುವಾಗ ನಿಮ್ಮನ್ನು ನೋಡಿಕೊಳ್ಳುವ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಪಾಲಿಸಿಯಾಗಿದೆ.

ನೀವು ಇಸ್ರೇಲ್ ಟ್ರಾವೆಲ್ ಇನ್ಶೂರೆನ್ಸ್ ಹುಡುಕುತ್ತಿದ್ದರೆ ಇಂಟರ್‌ನ್ಯಾಷನಲ್ ಟ್ರಾವೆಲ್ ಇನ್ಶೂರೆನ್ಸ್ ಪಡೆಯುವುದು ಸೂಕ್ತ ಆಯ್ಕೆಯಾಗಿದೆ. ಬ್ರೋಕರ್‌ಗಳೊಂದಿಗೆ ವ್ಯವಹರಿಸದೆ ನೀವು ಅದನ್ನು ಆನ್‌ಲೈನ್‌ನಲ್ಲಿ ಕೂಡ ಪಡೆಯಬಹುದು. ವಿದೇಶದಲ್ಲಿ ಅನಿರೀಕ್ಷಿತ ವೈದ್ಯಕೀಯ ಮತ್ತು ವೈದ್ಯಕೀಯವಲ್ಲದ ವೆಚ್ಚಗಳನ್ನು ನಿರ್ವಹಿಸಲು ನಿಮಗೆ ಸಹಾಯ ಮಾಡುವ ಅನೇಕ ಪ್ರಯೋಜನಗಳನ್ನು ಇದು ಹೊಂದಿದೆ.

ಇಸ್ರೇಲ್ ಟ್ರಾವೆಲ್ ಕವರ್ ಖರೀದಿಸುವ ಫೀಚರ್‌ಗಳು

ಟ್ರಾವೆಲ್ ಇನ್ಶೂರೆನ್ಸ್ ಖರೀದಿಸುವ ಮೊದಲು ಮತ್ತು ರಜಾದಿನದಲ್ಲಿ ಹೋಗುವ ಮೊದಲು, ಅದರ ಕೆಲವು ಅಂಶಗಳನ್ನು ತಿಳಿದುಕೊಳ್ಳುವುದು ಮುಖ್ಯವಾಗಿದೆ:

• ಕೈಗೆಟಕುವ ಪ್ರೀಮಿಯಂ: ಇಸ್ರೇಲ್‌ಗಾಗಿ ಇರುವ ಈ ಟ್ರಾವೆಲ್ ಇನ್ಶೂರೆನ್ಸ್ ಪಾಲಿಸಿಯು, ಇತರ ಅಗತ್ಯಗಳ ಜೊತೆ ರಾಜಿ ಮಾಡಿಕೊಳ್ಳದೇ ಕೈಗೆಟುಕುವ ಪ್ರೀಮಿಯಂ ಅನ್ನು ಒದಗಿಸುವ ಮೂಲಕ ನಿಮ್ಮ ಪ್ರಯಾಣದ ಬಜೆಟ್‌ಗೆ ಹೊಂದಿಕೊಂಡು ಸೂಕ್ತ ರಕ್ಷಣೆ ನೀಡುತ್ತದೆ.
• ಆಟೋಮ್ಯಾಟಿಕ್ ಟ್ರಿಪ್ ವಿಸ್ತರಣೆ: ದೀರ್ಘಾವಧಿಯ ಆಸ್ಪತ್ರೆ ದಾಖಲಾತಿ, ನೈಸರ್ಗಿಕ ವಿಪತ್ತು ಅಥವಾ ಅಕಾಲಿಕ ಮರಣದ ಸಮಯದಲ್ಲಿ, ಪಾಲಿಸಿಯು ಆಟೋಮ್ಯಾಟಿಕ್ ಆಗಿ ಸತತ 7 ದಿನಗಳವರೆಗೆ ಟ್ರಾವೆಲ್ ಕವರೇಜ್ ವಿಸ್ತರಿಸುತ್ತದೆ.
• ಕ್ಯಾಶ್‌ಲೆಸ್ ಕ್ಲೈಮ್ ಪ್ರಕ್ರಿಯೆ: ತುರ್ತು ಪರಿಸ್ಥಿತಿಯಲ್ಲಿ ನಮಗೆ ಕರೆ ಮಾಡುವ ಮೂಲಕ, ನಮ್ಮ ವ್ಯಾಪಕ ಹೆಲ್ತ್‌ಕೇರ್ ಪೂರೈಕೆದಾರರ ನೆಟ್‌ವರ್ಕ್ ಮೂಲಕ ನೀವು ಕ್ಯಾಶ್‌ಲೆಸ್ ಒಳ-ರೋಗಿ ಆರೈಕೆ ಸೌಲಭ್ಯವನ್ನು ಅಕ್ಸೆಸ್ ಮಾಡಬಹುದು.
• ಎಲ್ಲವನ್ನೂ ಒಳಗೊಂಡ ರಕ್ಷಣೆ: ನಿಮಗೆ ಹೆಲ್ತ್‌ಕೇರ್ ಬೇಕಿರಲಿ ಅಥವಾ ಚೆಕ್-ಇನ್ ಮಾಡಲಾದ ಲಗೇಜ್ ಕಳೆದುಹೋದ ಸಂದರ್ಭದಲ್ಲಿ ಸಹಾಯದ ಅಗತ್ಯವಿರಲಿ, ನಿಮ್ಮ ಪ್ರಯಾಣದ ಪ್ರತಿ ಹಂತದಲ್ಲೂ ನಿಮಗೆ ಸಹಾಯ ಮಾಡುತ್ತೇವೆ.
• ಬಳಕೆಯ ಆ್ಯಡ್-ಆನ್ ಪ್ರಯೋಜನಗಳು: ಈ ಪಾಲಿಸಿಯು PED ಕವರೇಜ್, ವೀಸಾ ಶುಲ್ಕಗಳ ರಿಫಂಡ್ ಮುಂತಾದ ಐಚ್ಛಿಕ ಕವರ್‌ಗಳೊಂದಿಗೆ ಆಗಾಗ್ಗೆ ಮತ್ತು ದೀರ್ಘಾವಧಿಯ ಪ್ರಯಾಣಗಳನ್ನು ಕಸ್ಟಮೈಜ್ ಮಾಡಲು ಮತ್ತು ಸುರಕ್ಷಿತಗೊಳಿಸಲು ನಿಮಗೆ ಸಹಾಯ ಮಾಡುತ್ತದೆ.

*ಪ್ರಾಡಕ್ಟ್ ಫೀಚರ್‌ಗಳ ಬಗ್ಗೆ ಹೆಚ್ಚಿನ ವಿವರಗಳಿಗಾಗಿ ದಯವಿಟ್ಟು ಬ್ರೋಶರ್ ನೋಡಿ.

ಇಸ್ರೇಲ್‌ಗೆ ಪ್ರಯಾಣಿಸಲು ಪಾಲಿಸಿ ವಿವರಗಳು

*ಸಿಂಗಲ್ ಟ್ರಿಪ್ ಪಾಲಿಸಿಗಳಲ್ಲಿ ಮಾತ್ರ ಕುಟುಂಬದ ಆಯ್ಕೆ ಲಭ್ಯವಿದೆ. ಅರ್ಹತೆಯ ಬಗ್ಗೆ ಹೆಚ್ಚಿನ ವಿವರಗಳಿಗಾಗಿ ದಯವಿಟ್ಟು ಪ್ರಾಸ್ಪೆಕ್ಟಸ್ ನೋಡಿ.

ಇಸ್ರೇಲ್ ಟ್ರಾವೆಲ್ ಇನ್ಶೂರೆನ್ಸ್ ಅಡಿಯಲ್ಲಿ ಏನು ಕವರ್ ಆಗುತ್ತದೆ?

ಟ್ರಾವೆಲ್ ಇನ್ಶೂರೆನ್ಸ್ ಅತ್ಯಂತ ಬೇಸಿಕ್‌ನಿಂದ ಹಿಡಿದು ಅತ್ಯಂತ ಸಂಕೀರ್ಣದವರೆಗೆ ವ್ಯಾಪಕ ಶ್ರೇಣಿಯ ಪ್ರಯಾಣದ ಅಪಾಯಗಳನ್ನು ಕವರ್ ಮಾಡುತ್ತದೆ. ನಮ್ಮ ಎಕ್ಸ್‌ಪ್ಲೋರ್ ಏಷ್ಯಾ ಟ್ರಾವೆಲ್ ಇನ್ಶೂರೆನ್ಸ್ ವ್ಯಾಪಕ ಕವರೇಜ್‌ನೊಂದಿಗೆ ಬರುತ್ತದೆ, ಇದು ಅಗತ್ಯವಿರುವ ಸಮಯದಲ್ಲಿ ಅಂತಿಮ ರಕ್ಷಕವಾಗಬಹುದು.

ಇಸ್ರೇಲ್‌ಗಾಗಿ ಟ್ರಾವೆಲ್ ಇನ್ಶೂರೆನ್ಸ್ ಈ ಕೆಳಗಿನ ಕವರೇಜ್‌ನೊಂದಿಗೆ ಬರುತ್ತದೆ:

• ತುರ್ತು ಆಸ್ಪತ್ರೆ ದಾಖಲಾತಿ: ಆಸ್ಪತ್ರೆ ದಾಖಲಾತಿ ಅಗತ್ಯವಿರುವ ವೈದ್ಯಕೀಯ ತುರ್ತು ಪರಿಸ್ಥಿತಿ ನಿಮಗೆ ಎದುರಾದರೆ, ಟ್ರಾವೆಲ್ ಇನ್ಶೂರೆನ್ಸ್ ಪ್ಲಾನ್ IPD ಮತ್ತು OPD ಚಿಕಿತ್ಸಾ ವೆಚ್ಚಗಳನ್ನು ಒಳಗೊಂಡಿರುವ ಸಂಪೂರ್ಣ ಕವರೇಜ್ ಮೂಲಕ ನಿಮಗೆ ರಕ್ಷಣೆ ನೀಡುತ್ತದೆ.
• ಕೋವಿಡ್-19 ಕವರೇಜ್: ನಾವು ಕೋವಿಡ್-19 ಕವರೇಜ್ ಒದಗಿಸುತ್ತೇವೆ, ಇದರಿಂದಾಗಿ ನೀವು ಪ್ಯಾಂಡೆಮಿಕ್ ಭಯವಿಲ್ಲದೆ ನಿಮ್ಮ ಪ್ರಯಾಣವನ್ನು ಆನಂದಿಸಬಹುದು.
• ಟ್ರಿಪ್ ವಿಳಂಬ, ರದ್ದತಿ ಅಥವಾ ಅಡಚಣೆ: ಟ್ರಿಪ್ ವಿಳಂಬವಾದರೆ, ರದ್ದುಗೊಂಡರೆ ಅಥವಾ ಮಧ್ಯದಲ್ಲಿಯೇ ಸ್ಥಗಿತಗೊಂಡರೆ, ಇನ್ಶೂರೆನ್ಸ್ ಮೊತ್ತದ ಮಿತಿಯವರೆಗೆ ನಿಮಗೆ ಪರಿಹಾರ ನೀಡಲಾಗುತ್ತದೆ./li>
• ಸಹಾನುಭೂತಿ ಭೇಟಿ: ಇನ್ಶೂರ್ಡ್ ವ್ಯಕ್ತಿ ತುರ್ತು ಪರಿಸ್ಥಿತಿಯಲ್ಲಿ ಆಸ್ಪತ್ರೆಗೆ ದಾಖಲಾಗಬೇಕಾದ ಸಂದರ್ಭದಲ್ಲಿ, ಪಾಲಿಸಿಯ ನಿಯಮಗಳಿಗೆ ಒಳಪಟ್ಟು ಕುಟುಂಬದ ನಿಕಟ ಸದಸ್ಯರೊಬ್ಬರ ವಿಮಾನ ಟಿಕೆಟ್ ವೆಚ್ಚವನ್ನು ಪಾಲಿಸಿಯು ಭರಿಸುತ್ತದೆ.
• ವೈಯಕ್ತಿಕ ಅಪಘಾತ: ವಿದೇಶ ಪ್ರಯಾಣ ಅನೇಕ ಅನಿಶ್ಚಿತತೆಗಳಿಗೆ ಕಾರಣವಾಗಬಹುದು ಮತ್ತು ಅವುಗಳಲ್ಲಿ ಅಪಘಾತಗಳು ಕೂಡ ಸೇರಿವೆ. ಅಂತಹ ಘಟನೆಗಳನ್ನು ಗಮನದಲ್ಲಿಟ್ಟುಕೊಂಡು, ಆಕಸ್ಮಿಕ ಮರಣ/ತುರ್ತು ಮತ್ತು ತಕ್ಷಣದ ವೈದ್ಯಕೀಯ ಗಮನದ ಅಗತ್ಯವಿರುವ ಶಾಶ್ವತ ಸಂಪೂರ್ಣ ಅಂಗವೈಕಲ್ಯವನ್ನು ನಾವು ಕವರ್ ಮಾಡುತ್ತೇವೆ.
• ಪಾಸ್‌ಪೋರ್ಟ್ ಮತ್ತು ಚೆಕ್-ಇನ್ ಬ್ಯಾಗೇಜ್ ನಷ್ಟ: ನೀವು ಇಸ್ರೇಲ್‌ನಲ್ಲಿ ನಿಮ್ಮ ಪಾಸ್‌ಪೋರ್ಟ್ ಮತ್ತು ಚೆಕ್-ಇನ್ ಬ್ಯಾಗೇಜ್ ಕಳೆದುಕೊಂಡರೆ ಚಿಂತಿಸಬೇಡಿ, ಏಕೆಂದರೆ ನಾವು ಪಾಲಿಸಿ ನಿಯಮಗಳ ಪ್ರಕಾರ ಅದಕ್ಕೆ ಕವರೇಜ್ ಒದಗಿಸುತ್ತೇವೆ.
• ಹೊಸ ಕವರೇಜ್ ಪ್ರಯೋಜನಗಳು: ನಾವು ನಮ್ಮ ವ್ಯಾಪ್ತಿಯನ್ನು ವಿಸ್ತರಿಸಿದ್ದು ನೀವು ಅನಗತ್ಯ ಒತ್ತಡ ಅನುಭವಿಸದೇ ಇರುವುದನ್ನು ಖಚಿತಪಡಿಸಲು ಮಿಸ್ ಆದ ಫ್ಲೈಟ್ ಕನೆಕ್ಷನ್/ಹೈಜಾಕ್ ತೊಂದರೆ ಭತ್ಯೆ/ಆಟೋಮ್ಯಾಟಿಕ್ ಟ್ರಿಪ್ ವಿಸ್ತರಣೆಗೆ ಕವರೇಜ್ ಒದಗಿಸುತ್ತೇವೆ.

*ಕವರೇಜ್‌ಗೆ ಸಂಬಂಧಿಸಿದ ಹೆಚ್ಚಿನ ವಿವರವಾದ ಮಾಹಿತಿಗಾಗಿ ಪಾಲಿಸಿ ಡಾಕ್ಯುಮೆಂಟ್‌ಗಳನ್ನು ನೋಡಿ.

ಇಸ್ರೇಲ್ ಟ್ರಾವೆಲ್ ಇನ್ಶೂರೆನ್ಸ್ ಅಡಿಯಲ್ಲಿ ಏನನ್ನು ಕವರ್ ಮಾಡಲಾಗುವುದಿಲ್ಲ?

ಟ್ರಾವೆಲ್ ಇನ್ಶೂರೆನ್ಸ್ ಪಾಲಿಸಿಯ ಹೊರಗಿಡುವಿಕೆಗಳನ್ನು ಪರಿಶೀಲಿಸುವುದು ಪ್ರಯೋಜನಕಾರಿಯಾಗಿದೆ. ಕೆಲವು ಹೊರಗಿಡುವಿಕೆಗಳನ್ನು ಕೆಳಗೆ ನೀಡಲಾಗಿದೆ:

• ಡ್ರಗ್ ದುರುಪಯೋಗ: ಟ್ರಿಪ್ ಸಮಯದಲ್ಲಿ ಇನ್ಶೂರ್ಡ್ ಸದಸ್ಯರು ಆಲ್ಕೋಹಾಲ್ ಅಥವಾ ಡ್ರಗ್ ಬಳಕೆ/ದುರುಪಯೋಗ/ದುರ್ಬಳಕೆ ಮಾಡಿದಾಗ ಉಂಟಾಗುವ ವೆಚ್ಚಗಳು.
• ಸ್ವಯಂ ಹಾನಿ: ಯಾವುದೇ ಉದ್ದೇಶಪೂರ್ವಕ ಸ್ವಯಂ ಹಾನಿ, ಆತ್ಮಹತ್ಯೆಯ ಪ್ರಯತ್ನ ಅಥವಾ ಆಸ್ಪತ್ರೆ ದಾಖಲಾತಿ/ಮರಣಕ್ಕೆ ಕಾರಣವಾಗುವ ಯಾವುದೇ ಇತರ ರೀತಿಯ ಹಾನಿಯನ್ನು ಕವರ್ ಮಾಡಲಾಗುವುದಿಲ್ಲ.
• ಕಾನೂನಿನ ಉಲ್ಲಂಘನೆ: ಗಮ್ಯಸ್ಥ ದೇಶವು ನಿಗದಿಪಡಿಸಿದ ಯಾವುದೇ ಕಾನೂನು ಅಥವಾ ನಿರ್ದಿಷ್ಟ ನಿಯಮಗಳ ಉಲ್ಲಂಘನೆ ಮೂಲಕ ಉಂಟಾಗುವ ಯಾವುದೇ ಹೊಣೆಗಾರಿಕೆ ಅಥವಾ ಹಾನಿಯ ವೆಚ್ಚಗಳು.
• ವಿಶ್ವ ಯುದ್ಧ: ರಾಷ್ಟ್ರೀಯ ಅಥವಾ ಅಂತಾರಾಷ್ಟ್ರೀಯ ಯುದ್ಧ ಅಥವಾ ಪರಮಾಣು ಅಪಾಯಗಳು ಅಥವಾ ಅದರ ಪರಿಣಾಮಗಳಿಂದ ಉಂಟಾಗುವ ಯಾವುದೇ ವೈದ್ಯಕೀಯ ಅಥವಾ ವೈದ್ಯಕೀಯವಲ್ಲದ ವೆಚ್ಚಗಳು.
• ಅಪಾಯಕಾರಿ ಚಟುವಟಿಕೆಗಳು: ಪಾಲಿಸಿ ಡಾಕ್ಯುಮೆಂಟ್‌ಗಳಲ್ಲಿ ಉಲ್ಲೇಖ ಆಗಿರದ ಬೆಂಕಿ ಸಾಹಸಗಳ ರೀತಿಯ ಅಪಾಯಕಾರಿ ಚಟುವಟಿಕೆಗೆ ಸಂಬಂಧಿಸಿದ ಯಾವುದೇ ಕ್ಲೈಮ್‌ಗಳು.
• ದಂತ ಚಿಕಿತ್ಸೆ: ಯಾವುದೇ ತೀವ್ರ ನೋವಿನ ಕಾರಣದಿಂದಾಗಿ ಅಗತ್ಯವಿಲ್ಲದ ಹೊರತು ಯಾವುದೇ ಯೋಜಿತ ದಂತ ಚಿಕಿತ್ಸೆ ಅಥವಾ ಸರ್ಜರಿ ವೆಚ್ಚಗಳನ್ನು ಈ ಪಾಲಿಸಿ ಕವರ್ ಮಾಡುವುದಿಲ್ಲ.

ಗಮನಿಸಿ: ಪ್ಲಾನ್ ಫೀಚರ್‌ಗಳು, ಪ್ರಯೋಜನಗಳು, ಕವರೇಜ್ ಮತ್ತು ಕ್ಲೈಮ್‌ಗಳ ಅಂಡರ್‌ರೈಟಿಂಗ್ ಪಾಲಿಸಿಯ ನಿಯಮ ಮತ್ತು ಷರತ್ತುಗಳಿಗೆ ಒಳಪಟ್ಟಿರುತ್ತದೆ. ದಯವಿಟ್ಟು ಕೈಪಿಡಿ, ಸೇಲ್ಸ್ ಪ್ರಾಸ್ಪೆಕ್ಟಸ್ ಮತ್ತು ಪಾಲಿಸಿ ಡಾಕ್ಯುಮೆಂಟ್‌ಗಳನ್ನು ಎಚ್ಚರಿಕೆಯಿಂದ ಓದಿ.

ಇಸ್ರೇಲ್ ಟ್ರಾವೆಲ್ ಹೆಲ್ತ್ ಇನ್ಶೂರೆನ್ಸ್‌ಗೆ ಪ್ರೀಮಿಯಂ ಎಷ್ಟು?

ಪ್ರೀಮಿಯಂನ ನಿಜವಾದ ಮೊತ್ತವು ಪ್ರಯಾಣಿಕರ ಸಂಖ್ಯೆ, ವಯಸ್ಸು, ಪ್ರಯಾಣಿಸುವ ದೇಶ, ಪ್ರಯಾಣದ ಅವಧಿ ಮತ್ತು ಆಯ್ಕೆ ಮಾಡಿದ ಕವರೇಜ್ ವಿಧಕ್ಕೆ ಒಳಪಟ್ಟಿರುತ್ತದೆ.

ಕೇರ್ ಹೆಲ್ತ್ ಇನ್ಶೂರೆನ್ಸ್‌ನ ಇಸ್ರೇಲ್ ಟ್ರಾವೆಲ್ ಇನ್ಶೂರೆನ್ಸ್ ಪ್ಲಾನ್‌ಗಳು ಸಮಂಜಸವಾದ ದರದಲ್ಲಿದ್ದು, ನಿಮ್ಮ ಬಜೆಟ್‌ಗೆ ಹೊಂದಿಕೆಯಾಗುತ್ತವೆ. ಇಸ್ರೇಲ್‌ಗೆ 10 ದಿನಗಳ ಭೇಟಿ ನೀಡುವ ಒಬ್ಬ ಪ್ರಯಾಣಿಕರಿಗೆ, CHI ನ ಟ್ರಾವೆಲ್ ಹೆಲ್ತ್‌ಕೇರ್ ಇನ್ಶೂರೆನ್ಸ್ ಪ್ರೀಮಿಯಂ ಸುಮಾರು ₹471 ರಿಂದ ಪ್ರಾರಂಭವಾಗುತ್ತದೆ*.

ಉದಾಹರಣೆಗೆ, ನೀವು ಭಾರತದಿಂದ ಇಸ್ರೇಲ್‌ಗೆ ಒಂದು ವಾರದ ಅವಧಿಯ ಒಂದು ಬಾರಿಯ ಪ್ರವಾಸಕ್ಕೆ ಹೋಗುತ್ತಿದ್ದರೆ, $50k ಇನ್ಶೂರೆನ್ಸ್ ಮೊತ್ತದ ನಿಮ್ಮ ಟ್ರಾವೆಲ್ ಇನ್ಶೂರೆನ್ಸ್‌ನ ಅಂದಾಜು ಪ್ರೀಮಿಯಂ ವೆಚ್ಚವನ್ನು ಈ ಕೆಳಗಿನಂತೆ ಲೆಕ್ಕಹಾಕಲಾಗುತ್ತದೆ:

*ಮೇಲೆ ತಿಳಿಸಿದ ಟ್ರಾವೆಲ್ ಇನ್ಶೂರೆನ್ಸ್ ಪ್ರೀಮಿಯಂ ಅನ್ನು ಇನ್ಶೂರ್ಡ್ ಸದಸ್ಯರ ಯಾವುದೇ ಮುಂಚಿತ-ಅಸ್ತಿತ್ವದಲ್ಲಿರುವ ವೈದ್ಯಕೀಯ ಪರಿಸ್ಥಿತಿಗಳಿಗೆ ಒಳಪಟ್ಟು ಲೆಕ್ಕ ಹಾಕಲಾಗುತ್ತದೆ. ಕಳೆದ 48 ತಿಂಗಳಲ್ಲಿ ಇನ್ಶೂರ್ಡ್ ಸದಸ್ಯರಿಗೆ ಯಾವುದೇ ರೋಗನಿರ್ಣಯ, ಆಸ್ಪತ್ರೆಗೆ ದಾಖಲಾಗಿಲ್ಲ ಅಥವಾ ಯಾವುದೇ ಚಿಕಿತ್ಸೆ ನೀಡಲಾಗಿಲ್ಲ ಎಂದು ಇದು ಪರಿಗಣಿಸುತ್ತದೆ. ಅಲ್ಲದೆ, ಇನ್ಶೂರ್ಡ್ ವ್ಯಕ್ತಿಯು ಈಗಾಗಲೇ ಈ ಮೊದಲು ಯಾವುದೇ ಟ್ರಾವೆಲ್ ಪಾಲಿಸಿಯನ್ನು ಕ್ಲೈಮ್ ಮಾಡಿದ್ದರೆ ಪ್ರೀಮಿಯಂ ಮೊತ್ತವು ಬದಲಾಗಬಹುದು.

ನಮ್ಮೊಂದಿಗೆ ಇಸ್ರೇಲ್ ಟ್ರಾವೆಲ್ ಇನ್ಶೂರೆನ್ಸ್‌‌‌‌‌ಗಾಗಿ ಪ್ರೀಮಿಯಂ ಲೆಕ್ಕ ಹಾಕುವುದು ಹೇಗೆ?

ಈ ಐದು ಸುಲಭ ಹಂತಗಳಲ್ಲಿ ನಿಮ್ಮ ಇಸ್ರೇಲ್ ಟ್ರಾವೆಲ್ ಇನ್ಶೂರೆನ್ಸ್ ಪ್ರೀಮಿಯಂ ವೆಚ್ಚವನ್ನು ನೀವು ಲೆಕ್ಕ ಹಾಕಬಹುದು:

ಹಂತ 1: CHIL ನ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ ಮತ್ತು 'ಕೊಟೇಶನ್ ಪಡೆಯಿರಿ' ಎಂಬುದನ್ನು ಆಯ್ಕೆಮಾಡಿ. ನಿಮ್ಮ ಮೊಬೈಲ್ ನಂಬರ್, ಹೆಸರು ಮತ್ತು ಇಮೇಲ್ ವಿಳಾಸವನ್ನು ಒಳಗೊಂಡಂತೆ ನಿಮ್ಮ ಸಂಪರ್ಕ ಮಾಹಿತಿಯನ್ನು ನಮೂದಿಸಿ, ನಂತರ ಇನ್ಶೂರೆನ್ಸ್ ಮಾಡಬೇಕಾದ ಎಲ್ಲಾ ಸದಸ್ಯರ ವಯಸ್ಸನ್ನು ನಮೂದಿಸಿ.

ಹಂತ 2: 'ಮುಂದಿನದು' ಕ್ಲಿಕ್ ಮಾಡಿ ಮತ್ತು ನಿಮ್ಮ ಪ್ರಯಾಣದ ತಾಣಗಳು ಮತ್ತು ಪ್ರಯಾಣದ ದಿನಾಂಕವನ್ನು ಆಯ್ಕೆಮಾಡಿ. ನಿಮ್ಮ ಪಾಲಿಸಿ ಅವಧಿಯು ನಿಮ್ಮ ಪ್ರಯಾಣದ ದಿನಗಳ ಸಂಖ್ಯೆಯಂತೆಯೇ ಇರುತ್ತದೆ.

ಹಂತ 3: ಇನ್ಶೂರ್ಡ್ ಸದಸ್ಯರಿಗೆ ಯಾವುದಾದರೂ ಮೊದಲೇ ಇರುವ ಕಾಯಿಲೆಗಳು ಇದ್ದಾವೆಯೇ ಎಂದು ಟಾಗಲ್‌ನಲ್ಲಿ ಪರಿಶೀಲಿಸಿ.

ಹಂತ 4: ಇನ್ಶೂರೆನ್ಸ್ ಮೊತ್ತ ಆಯ್ಕೆಮಾಡಿ. ಕೇರ್ ಟ್ರಾವೆಲ್ ಹೆಲ್ತ್ ಇನ್ಶೂರೆನ್ಸ್ ಎರಡು ಇನ್ಶೂರೆನ್ಸ್ ಮೊತ್ತಗಳ ಆಯ್ಕೆ ಒದಗಿಸುತ್ತದೆ: $50k ಮತ್ತು $100k.

ಹಂತ 5: ನಿಮ್ಮ ಲೆಕ್ಕ ಹಾಕಲಾದ ಪ್ರೀಮಿಯಂ ಪರಿಶೀಲಿಸಿ ಮತ್ತು ಮುಂದುವರಿಯಲು 'ಈಗಲೇ ಖರೀದಿಸಿ' ಕ್ಲಿಕ್ ಮಾಡಿ.

ದಯವಿಟ್ಟು ಗಮನಿಸಿ: ಇಸ್ರೇಲ್ ಟ್ರಾವೆಲ್ ಇನ್ಶೂರೆನ್ಸ್‌ಗೆ ನಿಖರವಾದ ಪ್ರೀಮಿಯಂ ವೆಚ್ಚವು ಪ್ರಯಾಣಿಕರ ಸಂಖ್ಯೆ, ಅವರ ವಯಸ್ಸು, ತಲುಪುವ ದೇಶ/ದೇಶಗಳು, ಪ್ರಯಾಣದ ಅವಧಿ ಮತ್ತು ಆಯ್ಕೆ ಮಾಡಿದ ಕವರೇಜ್ ಪ್ರಕಾರವನ್ನು ಒಳಗೊಂಡಂತೆ ಹಲವಾರು ಅಂಶಗಳಿಗೆ ಒಳಪಟ್ಟಿರುತ್ತದೆ.

ಇಸ್ರೇಲ್ ಟ್ರಾವೆಲ್ ಇನ್ಶೂರೆನ್ಸ್ ಖರೀದಿಸುವ ಮೊದಲು ಗಮನದಲ್ಲಿ ಇಟ್ಟುಕೊಳ್ಳಬೇಕಾದ ವಿಷಯಗಳು

ಇಸ್ರೇಲ್ ಅಥವಾ ನಿಮ್ಮ ಆಯ್ಕೆಯ ಯಾವುದೇ ಆಗ್ನೇಯ ಏಷ್ಯಾದ ತಾಣಕ್ಕಾಗಿ ಟ್ರಾವೆಲ್ ಇನ್ಶೂರೆನ್ಸ್ ಆಯ್ಕೆ ಮಾಡುವಾಗ, ಪ್ಲಾನ್ ನಿಮ್ಮ ಅವಶ್ಯಕತೆಗಳಿಗೆ ಸರಿಹೊಂದುತ್ತದೆ ಎಂಬುದನ್ನು ನೀವು ಖಚಿತಪಡಿಸಿಕೊಳ್ಳಬೇಕು. ಪರಿಗಣಿಸಬೇಕಾದ ಅಂಶಗಳು ಇಲ್ಲಿವೆ:

• ಪ್ರಯಾಣದ ಸ್ವರೂಪ: ಆಗಾಗ್ಗೆ ವಿಮಾನಯಾನ ಮಾಡುವವರು ವಾರ್ಷಿಕ ಟ್ರಾವೆಲ್ ಇನ್ಶೂರೆನ್ಸ್ ಪಡೆಯಬೇಕು; ಇತರರು ಸಿಂಗಲ್-ಟ್ರಿಪ್ ಇನ್ಶೂರೆನ್ಸ್ ಪ್ಲಾನ್ ಪಡೆಯಬೇಕು.
• ಟ್ರಿಪ್ ಅವಧಿ: ಇಸ್ರೇಲ್‌ನಲ್ಲಿ ಕಳೆಯುವ ದಿನಗಳ ಆಧಾರದ ಮೇಲೆ ಪ್ರೀಮಿಯಂ ಇರುತ್ತದೆ, ಪ್ರವಾಸದ ಅವಧಿ ಕಡಿಮೆಯಿದ್ದಷ್ಟೂ ಪ್ರೀಮಿಯಂ ಕಡಿಮೆಯಿರುತ್ತದೆ.
• ವೈದ್ಯಕೀಯ ಇತಿಹಾಸ: ನೀವು ಯಾವುದೇ ಗಂಭೀರ ಕಾಯಿಲೆಯನ್ನು ಹೊಂದಿದ್ದರೆ, ಪಾಲಿಸಿಯು ಅದನ್ನು ಕವರ್ ಮಾಡುತ್ತದೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
• ಕವರೇಜ್ ಪರಿಶೀಲಿಸಿ: ಪಾಲಿಸಿಯಲ್ಲಿ ಏನು ಕವರ್ ಆಗುತ್ತದೆ ಎಂಬುದನ್ನು ತಿಳಿದುಕೊಳ್ಳಲು ಸೇರ್ಪಡೆಗಳನ್ನು ನಿಕಟವಾಗಿ ನೋಡಿ. ಸಾಗರೋತ್ತರ ಇಸ್ರೇಲ್ ಟ್ರಾವೆಲ್ ಇನ್ಶೂರೆನ್ಸ್ ಪ್ಲಾನ್ ಗರಿಷ್ಠ ಪ್ರಯೋಜನಗಳು ಮತ್ತು ಕೈಗೆಟಕುವ ಪ್ರೀಮಿಯಂ ಅನ್ನು ಹೊಂದಿದೆ.
• ಹೊರಗಿಡುವ ಅಂಶಗಳನ್ನು ಪರಿಶೀಲಿಸಿ: ಟ್ರಿಪ್‌ನಲ್ಲಿರುವಾಗ, ನೀವು ಅಂದುಕೊಂಡಿದ್ದ ಕೆಲವು ವೆಚ್ಚಗಳು ನಿಮ್ಮ ಟ್ರಾವೆಲ್ ಪ್ಲಾನ್‌ನಲ್ಲಿ ಕವರ್ ಆಗುವುದಿಲ್ಲ ಎಂಬ ವಿಷಯ ತಿಳಿದು ನಿಮಗೆ ನಿರಾಸೆಯಾಗಬಾರದು. ಆದ್ದರಿಂದ, ಹೊರಗಿಡುವ ಅಂಶಗಳನ್ನು ಮುಂಚಿತವಾಗಿಯೇ ಓದಿ ತಿಳಿದುಕೊಂಡು, ನಿಮ್ಮ ಬಜೆಟ್ ಅನ್ನು ಪ್ಲಾನ್ ಮಾಡಿ.

ಕ್ಲೈಮ್ ಪ್ರಕ್ರಿಯೆ

ಇಸ್ರೇಲ್‌ಗೆ ವೀಸಾಗಳ ವಿಧಗಳು ಯಾವುವು?

ಯಾವ ವಿದೇಶಿ ಪ್ರಜೆಗಳು ದೇಶಕ್ಕೆ ಪ್ರವೇಶಿಸಲು ವೀಸಾ ಅಗತ್ಯವಿದೆ ಮತ್ತು ವಿವಿಧ ರೀತಿಯ ವೀಸಾಗಳ ಅಗತ್ಯವಿದ್ದಾಗ ಇಸ್ರೇಲ್ ವೀಸಾ ಪಾಲಿಸಿ ನಿರ್ದಿಷ್ಟಪಡಿಸುತ್ತದೆ. ಪ್ರವೇಶದ ಅವಶ್ಯಕತೆಗಳನ್ನು ವ್ಯಕ್ತಿಯ ರಾಷ್ಟ್ರೀಯತೆ, ಅವರು ಇಸ್ರೇಲ್‌ನಲ್ಲಿ ಖರ್ಚು ಮಾಡಲು ಬಯಸುವ ಸಮಯದ ಅವಧಿ ಮತ್ತು ಅವರ ಪ್ರಯಾಣದ ಉದ್ದೇಶದಿಂದ ನಿರ್ಧರಿಸಲಾಗುತ್ತದೆ.

ಪ್ರಸ್ತುತ ಹಲವಾರು ರೀತಿಯ ಇಸ್ರೇಲ್ ವೀಸಾಗಳನ್ನು ನೀಡಲಾಗುತ್ತಿದೆ. ನಾಲ್ಕು ರೀತಿಯ ದೀರ್ಘಾವಧಿಯ "ಎ" ವೀಸಾಗಳು ಮತ್ತು ಎರಡು ರೀತಿಯ ಸೀಮಿತ-ಹಂತದ "ಬಿ" ವೀಸಾಗಳು ಮತ್ತು ಇಸ್ರೇಲ್ ಇಮಿಗ್ರೇಶನ್ ವೀಸಾಗಳಿವೆ.

• A/1 ತಾತ್ಕಾಲಿಕ ನಿವಾಸಿ ವೀಸಾ: ಇಸ್ರೇಲ್‌ನ A/1 ವೀಸಾ ತಾತ್ಕಾಲಿಕ ನಿವಾಸಕ್ಕೆ ಅನುಮತಿ ನೀಡುತ್ತದೆ.
• A/2 ವಿದ್ಯಾರ್ಥಿ ವೀಸಾ: A/2 ಇಸ್ರೇಲಿ ವಿದ್ಯಾರ್ಥಿ ವೀಸಾ ಆಗಿದೆ.
• A/3 ಕ್ಲರ್ಜಿ ವೀಸಾ: A/3 ವೀಸಾವನ್ನು ದೇಶದೊಳಗೆ ಧಾರ್ಮಿಕ ಕರ್ತವ್ಯಗಳನ್ನು ನಿರ್ವಹಿಸುವ ಪಾದ್ರಿ ಸದಸ್ಯರಿಗೆ ಉದ್ದೇಶಿಸಲಾಗಿದೆ.
• ಸಂಗಾತಿ ಮತ್ತು ಮಕ್ಕಳಿಗಾಗಿ A/4 ವೀಸಾ: A/2 ಮತ್ತು A/3 ವೀಸಾ ಹೋಲ್ಡರ್‌ಗಳ ಸಂಗಾತಿ ಮತ್ತು ಮಕ್ಕಳು A/4 ವೀಸಾಗೆ ಅರ್ಹರಾಗಿರುತ್ತಾರೆ.
• B/1 ವರ್ಕ್ ವೀಸಾ: ಇಸ್ರೇಲ್‌ಗಾಗಿ B/1 ವರ್ಕ್ ವೀಸಾ ವಿದೇಶಿ ಪ್ರಜೆಗಳಿಗೆ ಇಸ್ರೇಲ್‌ನಲ್ಲಿ ಬೆಲೆಗೆ ಕೆಲಸ ಮಾಡಲು ಅನುಮತಿ ನೀಡುತ್ತದೆ.
• B/2 ವಿಸಿಟರ್ ವೀಸಾ: B/2 ವಿಸಿಟರ್ ವೀಸಾ ಅಡಿಯಲ್ಲಿ ಪ್ರವಾಸ, ಬಿಸಿನೆಸ್ ಟ್ರಿಪ್‌ಗಳು ಮತ್ತು ಹೀಬ್ರೂ ಭಾಷೆಯ ಉಲ್ಪಾನ್ ಅಧ್ಯಯನಕ್ಕೆ ಅವಕಾಶವಿದೆ.

ಅಲ್ಪಾವಧಿಯ ಭೇಟಿಗಳಿಗಾಗಿ, 140 ಕ್ಕೂ ಹೆಚ್ಚು ವಿವಿಧ ರಾಷ್ಟ್ರೀಯತೆಗಳು B/2 ಭೇಟಿದಾರರ ವೀಸಾಗಾಗಿ ರಾಯಭಾರ ಕಚೇರಿಯಲ್ಲಿ ಅರ್ಜಿ ಸಲ್ಲಿಸಬೇಕು.

ಇಸ್ರೇಲ್ ವೀಸಾ ಅಪ್ಲಿಕೇಶನ್‌ಗೆ ಅಗತ್ಯವಿರುವ ಪ್ರಮುಖ ಡಾಕ್ಯುಮೆಂಟ್‌ಗಳು

ವೀಸಾ ಅಪ್ಲಿಕೇಶನ್‌ಗಳನ್ನು ಸಲ್ಲಿಸುವ ಎಲ್ಲಾ ಅರ್ಜಿದಾರರು ಈ ಕೆಳಗಿನ ಅವಶ್ಯಕತೆಗಳನ್ನು ಪೂರೈಸಬೇಕು ಎಂಬುದನ್ನು ದಯವಿಟ್ಟು ಗಮನದಲ್ಲಿಟ್ಟುಕೊಳ್ಳಿ:

• ವೀಸಾ ಪ್ರಕಾರವನ್ನು ಅವಲಂಬಿಸಿ ಸರಿಯಾದ ವೀಸಾ ಅಪ್ಲಿಕೇಶನ್ ಫಾರ್ಮ್ ಬದಲಾಗುತ್ತದೆ.
• ಬಿಳಿ ಹಿನ್ನೆಲೆ ಮತ್ತು 5.5 ಸೆಮೀ X 5.5 ಸೆಮೀ ಅಳತೆಯ ಎರಡು ಪಾಸ್‌ಪೋರ್ಟ್ ಸೈಜ್ ಫೋಟೋಗಳು
• ಅಪ್ಲೈ ಮಾಡಲಾದ ವೀಸಾ ವಿಧಕ್ಕೆ ಅನ್ವಯವಾಗುವ ಶುಲ್ಕದ ಪಾವತಿ.
• 2 ಖಾಲಿ ಪುಟಗಳೊಂದಿಗೆ ಇಸ್ರೇಲ್‌ಗೆ ಪ್ರವೇಶಿಸಿದ ದಿನಾಂಕದಿಂದ ಕನಿಷ್ಠ ಆರು ತಿಂಗಳವರೆಗೆ ಪಾಸ್‌ಪೋರ್ಟ್ ಮಾನ್ಯವಾಗಿರುತ್ತದೆ.
• ಹುಟ್ಟಿದ ದಿನಾಂಕದ ಪುರಾವೆ.
• ಕಳೆದ 4 ತಿಂಗಳ ಪರ್ಸನಲ್ ಬ್ಯಾಂಕ್ ಅಕೌಂಟ್ ಸ್ಟೇಟ್ಮೆಂಟ್.
• ಕೋವಿಡ್ ಕವರೇಜ್‌ನೊಂದಿಗೆ ಟ್ರಾವೆಲ್ ಮತ್ತು ಮೆಡಿಕಲ್ ಇನ್ಶೂರೆನ್ಸ್.
• ಪ್ರಯಾಣ ಟಿಕೆಟ್ - ಬುಕಿಂಗ್ (ದೃಢೀಕರಿಸಲ್ಪಟ್ಟ ಟಿಕೆಟ್ ಇಲ್ಲ).
• ಇಸ್ರೇಲ್‌ನಲ್ಲಿರುವ ಸ್ನೇಹಿತರು ಅಥವಾ ಸಂಬಂಧಿಕರು ನಿಮ್ಮನ್ನು ಆಹ್ವಾನಿಸಿದ್ದರೆ, ದಯವಿಟ್ಟು ಹೀಬ್ರೂ ಭಾಷೆಯಲ್ಲಿರುವ ಆಹ್ವಾನ ಪತ್ರದೊಂದಿಗೆ, ಆಹ್ವಾನಿಸಿದವರ ID ಮತ್ತು ಸಂಪರ್ಕ ವಿವರಗಳ ಪ್ರತಿಯನ್ನು ಲಗತ್ತಿಸಿ.
• ಇಸ್ರೇಲ್‌ನಲ್ಲಿ ಕೆಲಸ ಮಾಡುತ್ತಿರುವ ಅಥವಾ ಅಧ್ಯಯನ ಮಾಡುತ್ತಿರುವ ಯಾರಾದರೂ ನಿಮ್ಮನ್ನು ಆಹ್ವಾನಿಸಿದರೆ, ದಯವಿಟ್ಟು ಕುಟುಂಬದ ಸದಸ್ಯರಿಗಾಗಿ ಉದ್ಯೋಗದಾತ/ಶೈಕ್ಷಣಿಕ ಸಂಸ್ಥೆ/ವಿಶ್ವವಿದ್ಯಾಲಯದಿಂದ ಆಹ್ವಾನ ಪತ್ರವನ್ನು ಸೇರಿಸಿ.

ಇಸ್ರೇಲ್‌ನಲ್ಲಿ ಭೇಟಿ ನೀಡಬೇಕಾದ ಸ್ಥಳಗಳು

• ಟೆಲ್ ಅವಿವ್-ಯಾಫೋ: ಅತ್ಯುತ್ತಮ ವಸ್ತುಸಂಗ್ರಹಾಲಯಗಳು, ಸ್ವಚ್ಛವಾದ ಬೀಚ್‌ಗಳು ಮತ್ತು ಬಾಯಲ್ಲಿ ನೀರೂರಿಸುವ ಅಪ್ಪಟ ಇಸ್ರೇಲಿ ಖಾದ್ಯಗಳೊಂದಿಗೆ, ಈ ನಗರವು ನಿಮಗೆ ಎಲ್ಲ ಬಗೆಯ ವಿಶೇಷ ಅನುಭವಗಳನ್ನು ನೀಡುತ್ತದೆ. ಟೆಲ್ ಅವಿವ್‌ನಲ್ಲಿದ್ದಾಗ ಕಾರ್ಮೆಲ್ ಮಾರುಕಟ್ಟೆ, ಯಾರ್ಕಾನ್ ಪಾರ್ಕ್, ಟೆಲ್ ಅವಿವ್ ಕಲಾ ವಸ್ತುಸಂಗ್ರಹಾಲಯ ಮತ್ತು ಜಾಫಾ ಬಂದರುಗಳಿಗೆ ನೀವು ಖಂಡಿತವಾಗಿಯೂ ಭೇಟಿ ನೀಡಬೇಕು.
• ಜೆರುಸಲೆಮ್: ಜುಡಿಯನ್ ಪರ್ವತಗಳ ಪ್ರಸ್ಥಭೂಮಿಯಲ್ಲಿ ನೆಲೆಗೊಂಡಿರುವ ಜೆರುಸಲೆಮ್, ವಿಶ್ವದ ಅತ್ಯಂತ ಹಳೆಯ ನಗರವಾಗಿದೆ. ಇಲ್ಲಿ ನೀವು ಯಹೂದಿ ಧರ್ಮ, ಕ್ರೈಸ್ತ ಧರ್ಮ ಮತ್ತು ಇಸ್ಲಾಂ ಧರ್ಮ ಎಂಬ ಮೂರು ಸಂಸ್ಕೃತಿ ಹಾಗೂ ಧರ್ಮಗಳ ಸಂಗಮವನ್ನು ಕಾಣಬಹುದು. ಓಲ್ಡ್ ಸಿಟಿ, ವೆಸ್ಟರ್ನ್ ವಾಲ್, ಚರ್ಚ್ ಆಫ್ ದಿ ಹೋಲಿ ಸೆಪಲ್ಕರ್ ಮತ್ತು ಡೋಮ್ ಆಫ್ ದಿ ರಾಕ್ ಈ ಪವಿತ್ರ ನಗರದ ಅತ್ಯಂತ ಪ್ರಸಿದ್ಧ ಪ್ರವಾಸಿ ಆಕರ್ಷಣೆಗಳಾಗಿವೆ.
• ಹೈಫಾ: ಇದು ಇಸ್ರೇಲ್‌ನ ಬಂದರು ನಗರವಾಗಿದೆ. ಬಾಹ್á'í ಗಾರ್ಡನ್ಸ್, ಸ್ಟೆಲ್ಲಾ ಮಾರಿಸ್ ಮಠ ಮತ್ತು ಎಲಿಯಾ ಗುಹೆಯು ನಗರದ ಆಕರ್ಷಣೆಗಳಾಗಿವೆ. ಇಸ್ರೇಲ್‌ನ ಶ್ರೀಮಂತಿಕೆಯನ್ನು ಆನಂದಿಸಲು ನೀವು ಮಳಿಗೆಗಳು, ಗ್ಯಾಲರಿಗಳು, ಕಡಲತೀರಗಳು ಮತ್ತು ರೆಸ್ಟೋರೆಂಟ್‌ಗಳನ್ನು ಕೂಡ ನೋಡಬಹುದು.
• ನಝರೆತ್: ಇಸ್ರೇಲ್‌ನ ಈ ನಗರವು ಬೈಬಲ್‌ಗೆ ಸಂಬಂಧಿಸಿದ ಇತಿಹಾಸವನ್ನು ಹೊಂದಿದೆ. ಗುಮ್ಮಟಾಕಾರದ ಬೆಸಿಲಿಕಾ ಆಫ್ ದಿ ಅನನ್ಸಿಯೇಷನ್ ಎಂಬುದು, ಮೇರಿ ಅವರಿಗೆ ತಾವು ಮಗುವಿಗೆ ಜನ್ಮ ನೀಡಲಿದ್ದೀರಿ ಎಂದು ದೇವದೂತರಾದ ಗೇಬ್ರಿಯಲ್ ಅವರು ತಿಳಿಸಿದ ಸ್ಥಳವಾಗಿದೆ. ಧಾರ್ಮಿಕ ಇತಿಹಾಸವನ್ನು ಕಣ್ತುಂಬಿಕೊಳ್ಳಲು ನೀವು ಮೌಂಟ್ ಪ್ರೆಸಿಪಿಸ್, ನಜರೆತ್ ವಿಲೇಜ್ ಮತ್ತು ಮೇರಿ ಅವರ ಬಾವಿ ಮುಂತಾದ ಸ್ಥಳಗಳಿಗೆ ಭೇಟಿ ನೀಡಬೇಕು.

ಇಸ್ರೇಲ್‌ಗೆ ಭೇಟಿ ನೀಡಲು ಅತ್ಯಂತ ಸೂಕ್ತವಾದ ಸಮಯವೆಂದರೆ ಮಾರ್ಚ್‌ನಿಂದ ಮೇ ತಿಂಗಳವರೆಗಿನ ವಸಂತ ಕಾಲ ಮತ್ತು ಸೆಪ್ಟೆಂಬರ್‌ನಿಂದ ನವೆಂಬರ್ ತಿಂಗಳವರೆಗಿನ ಶರತ್ಕಾಲ. ಇಲ್ಲಿಗೆ ಭೇಟಿ ನೀಡಲು ಇದೇ ಸೂಕ್ತ ಸಮಯ, ಏಕೆಂದರೆ ಬೀಚ್‌ಗಳಲ್ಲಿ ಜನಸಂದಣಿ ಕಡಿಮೆ ಇರುತ್ತದೆ, ಹೋಟೆಲ್‌ಗಳು ಕಡಿಮೆ ದರದಲ್ಲಿ ಸಿಗುತ್ತವೆ ಮತ್ತು ಹವಾಮಾನವೂ ಹಿತವಾಗಿರುತ್ತದೆ. ಕೇರ್ ಹೆಲ್ತ್ ಇನ್ಶೂರೆನ್ಸ್‌ನ ಭಾರತದಿಂದ ಇಸ್ರೇಲ್‌ಗೆ ಪ್ರಯಾಣಿಸುವವರಿಗಾಗಿ ಇರುವ ಟ್ರಾವೆಲ್ ಇನ್ಶೂರೆನ್ಸ್ ಪಾಲಿಸಿಗಳನ್ನು ಖರೀದಿಸುವ ಮೂಲಕ, ಪ್ರವಾಸದ ಸಮಯದಲ್ಲಿ ಎದುರಾಗಬಹುದಾದ ವಿವಿಧ ರೀತಿಯ ಅನಿರೀಕ್ಷಿತ ಅವಘಡಗಳಿಗೆ ಸಮಗ್ರ ಕವರೇಜ್ ಅನ್ನು ಪಡೆಯಿರಿ. ಆದ್ದರಿಂದ, ನೀವು ಈಗಾಗಲೇ ಇಸ್ರೇಲ್‌ಗೆ ಪ್ರಯಾಣಿಸಲು ಟಿಕೆಟ್‌ಗಳನ್ನು ಖರೀದಿಸಿದ್ದರೆ, CHIL ಟ್ರಾವೆಲ್ ಇನ್ಶೂರೆನ್ಸ್ ಪಾಲಿಸಿಗಾಗಿ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಲು ಇದೇ ಸೂಕ್ತ ಸಮಯ. ಟ್ರಿಪ್ ಸಂಬಂಧಿತ ವಿವಿಧ ಸನ್ನಿವೇಶಗಳಿಗೆ ಸೂಕ್ತವಾದ ಕವರೇಜ್ ಅನ್ನು ಸಮಂಜಸವಾದ ಪ್ರೀಮಿಯಂ ದರದಲ್ಲಿ ಪಡೆಯಲು ಇದು ನಿಮಗೆ ಸಹಾಯ ಮಾಡುತ್ತದೆ. ಕೈಗೆಟುಕುವ ಪ್ರೀಮಿಯಂ ದರದಲ್ಲಿ ಸಮಗ್ರ ಟ್ರಾವೆಲ್ ಇನ್ಶೂರೆನ್ಸ್ ಪ್ಲಾನ್ ಅನ್ನು ಪಡೆದುಕೊಳ್ಳಿ ಮತ್ತು ಇಸ್ರೇಲ್ ಟ್ರಿಪ್ ಅನ್ನು ಸಂಪೂರ್ಣ ಸುರಕ್ಷಿತವಾಗಿಸಿಕೊಳ್ಳಿ.